“ წელსაც ბათუმიდან დაიწყება ეპიდაფეთქება, მაგრამ უფრო მწარე იქნება”
მორიგ ეპიდაფეთქებას საქართველოში კვლავ ბათუმიდან უნდა ველოდოთ. გაეროს გენერალური მდივნის მრჩევლის ჯანდაცვის საკითხებში, გიორგი ფხაკაძის მოსაზრებით, ინდური შტამის გავრცელება სიტუაციას შარშანდელზე მეტად დაამძიმებს.
“ჩვენ გვაქვს ძალიან მოკლე მეხსიერება. შარშან ზუსტად იგივე იყო – დაიწყო აფეთქება ბათუმიდან, წელსაც იქნება იგივე ისტორია, მაგრამ განსხვავება ისაა, რომ უფრო მწარე იქნება.
გვექნება ინდური შტამი, ე.წ. დელტა შტამი იქნება უფრო ძლიერი, გავრცელება იქნება ძლიერი, მოსახლეობის იმუნური სისტემა იქნება უფრო დაქვეითებული, რადგან ხალხი ფიზიკურად დაიღალა.
აი, ამას ელოდება ვირუსი, როდესაც თქვენ იტყვით “რაც იქნება, იქნებაო”, აი, მაშინ იგებს ვირუსი”. – აცხადებს ფხაკაძე „რუსთავი 2“-თნ კომენტარში.