“24 საათია ჩემს ფოტოებს ათრევს სოციალური სივრცე, ოღონდ აიცერით და შემდეგზეც რამეს მოგიფიქრებთ”

რადიოწამყვანი მერსი სულხანიშვილი ხშირად მოუწოდებს აცრისკენ ადამიანებს. ამჯერად ვიდეო დადო იმის საჩვენებლად, თუ როგორი მარტივი  პროცედურაა. ყურადღება ნამდვილად მიიქცია, მის ფოტოს უამრავი ადამიანი აზიარებს.

,,24 საათია, ჩემს ფოტოებს ათრევს სოციალური სივრცე, მართალია, ვერ ვხვდები, რატომ, მაგრამ მაინც, გუშინ 40 000 დოზა იყო ,,სინოფარმის და თან ბოლო ერთი კვირაა, აღარავინ ეკარებოდა. მივედი, ავიცერი და 24 საათში 20 000 მოაკლდა. ათრიეთ, რამდენიც გინდათ, მთავარია, აიცერით. მიხარია, თუ ვინმეს გადაწყვეტილების მიღებაში დავეხმარე. თქვენ ოღონდ აიცერით და შემდეგზეც რამეს მოგიფიქრებთ. მთავარია, აიცერით, არ აქვს მნიშვნელობა, რომელი ვაქცინით. ამხელა Feedback – თუ ექნებოდა და მოტივაცია ვიქნებოდი თქვენთვის, აქამდე ავიცრებოდი. ჯერ ბოტოკსი გავიკეთე, მერე ავიცერი და   პირიქით მოვიქცეოდი”.