“ჩემი ცხოვრების მანძილზე ყველაზე მძიმე სხდომას დავესწარი… ახლა, ნიკოსთან ვარ, საფლავზე და…”

პლატფორმა FEEDC-ის შემქნელის, თბილისში ჩაცხრილული ნიკო კვარაცხელიას ოჯახის ადვოკატი,  საქმეზე გამართულ სასამართლო სხდომაზე სოციალურ ქსელში წერს:

“დღეს, ჩემი ცხოვრების მანძილზე ყველაზე მძიმე სხდომას დავესწარი თბილისის საქალაქო სასამართლოში!!

ნიკოს საქმეზე, ბრალდების მხარის შუამდგომლობის საფუძველზე, გაგრძელდა წინასასამართლო სხდომის ვადა…კანონის მიხედვით, ასეთი მოცემულობისას, სასამართლო იწვევს მხარეებს იმის დასადგენად – აუცილებელია თუ არა ბრალდებულთა მიმართ უკვე გამოყენებული აღკვეთის ღონისძიების (პატიმრობის) ძალაში დატოვება.

სხდომის მიმდინარეობისას, დამეუფლა განცდა, რომ ვიმყოფებოდი რაღაც ტიპის კონფერენციაზე, სადაც განიხილებოდა იურიდიული მნიშვნელობის მქონე საკითხები…

ბრალდებულ გიორგი კავილაძის ოჯახის მიერ დაქირავებული ადვოკატი იმდენად გაერთო ვიწროსამართლებრივ წიაღსვლებში, რომ პატიმრობის ფაქტობრივი საფუძვლები ,,მარჩიელობად” შეაფასა…ადვოკატების მხრიდან ადგილი ჰქონდა რაღაც გაუგებარი, მოჩვენებითი პათოსით გამსჭვალულ თავდასხმებს პროკურორზე და ა.შ.

ახლა, ნიკოსთან ვარ, საფლავზე და ,,მარჩიელობის” გარეშე შემიძლია გითხრათ, რომ ეს ფაქტია, რეალობა, – ის ჩვენთან აღარ არის…
მე, როგორც ადვოკატს, კარგად მესმის, რომ დაცვის უფლება გარანტირებულია საქართველოს კანონმდებლობით…რა თქმა უნდა, სასამართლოს სხდომებზე მნიშვნელოვანია კონკრეტული საქმის იურიდიულ/სამართლებრივ ასპექტებზე საუბარი მხარეთა მიერ საკუთარი პოზიციების გამოხატვისას, მაგრამ…

!!! როდესაც საქმე ნიკოს ეხება, –
მსურს ვურჩიო გიორგი კავილაძის ადვოკატს – ყურადღებით გაეცნოს უცხო სიტყვათა განმარტებით ლექსიკონში ,,ადეკვატური-ს” მნიშვნელობას…
და კიდევ, ბატონო გიორგი!..

ჩვენს პროფესიაში, ზოგჯერ, არის ისეთი შემთხვევები, როდესაც თავდაჭერილობა სჯობს მჭმუნვარე სახით ბრძნადმეტყველებას”, – წერს გიორგი გვაჯაია ფეისბუქზე.

 

 

ასევე იხილეთ