“ის არის საუკეთესო ბიჭი, ვისთანაც კი ოდესმე მისაუბრია” – ბერა ივანიშვილი ჯონი დეპს ექსმეუღლესთან სასამართლო დავაში გამარჯვებას ულოცავს
“ჯონი დეპს 10 წლის წინ შევხვდი და ის არის საუკეთესო ბიჭი, ვისთანაც კი ოდესმე მისაუბრია…” – ასე ულოცავს ბერა ივანიშვილი “ინსტაგრამზე” ჰოლივუდის ვარსკვლავ ჯონი დეპს ყოფილ მეუღლესთან სასამართლო დაპირისპირებაში გამარჯვებას.
“Congratulations @johnnydepp!’ (“გილოცავ”) – წერს ბერა.
შეგახსენებთ, ცილისწამების საქმეზე მიმდინარე ექვსკვირიანი სასამართლო დავა ჯონი დეპის გამარჯვებით დასრულდა. ჰოლივუდის მსახიობის ყოფილ მეუღლეს, ასევე მსახიობს ამბერ ჰერდს ნაფიცმა მსაჯულებმა დეპისთვის მიყენებული რეპუტაციული ზიანის გამო, 15 მილიონი დოლარის გადახდა დააკისრა.
ამერიკელი კონოვარსკვლავისა და მისი ყოფილი მეუღლის სასამართლო პროცესს მსოფლიო მედია დიდი ყურადღებით ადევნებდა თვალს. დეპისა და ამბერის ურთიერთდაპირისპირება, ბოლო პერიოდში, სოციალური ქსელების ერთ-ერთი მთავარი განხილვის საგანი იყო. ასეთივე დიდი გამოხმაურება მოჰყვა დეპის გამარჯვებას, რომელსაც მსახიობის გულშემატკივრები აღფრთოვანებით შეხვდნენ.
აღნიშნულ სასამართლო დავაში ჯონი დეპის ერთ-ერთი გულმხურვალე მხარდამჭერი, როგორც აღმოჩნდა, მუსიკოსი ბერა ივანიშვილიც ყოფილა.
Посмотреть эту публикацию в Instagram