“რამდენიმე დღეა ძალიან ვცდილობდი თავი შემეკავებინა საჯარო კომენტარისგან, მაგრამ დღეს ვეღარ გავქაჩე”

ჟურნალისტი ბესო ჩუბინიძე 19 წლის გიორგი შაქარაშვილის გარდაცვალებას ვრცელი წერილით გამოეხმაურა, რომელსაც უცვლელად შემოგთავაზებთ:

“რამდენიმე დღეა ძალიან ვცდილობდი თავი შემეკავებინა საჯარო კომენტარისგან მაგრამ დღეს ვეღარ გავქაჩე…. გიორგი ჩემი უბნელი 19 წლის ახალგაზრდა, პერსპექტიული, ქართველი ბიჭი იყო… იყო… ი-ყო…. ი-ყო… ყველა ხვდებით რა საშინელი დასაწერია ეს სიტყვა ჯან-ღონით სავსე ბიჭზე, რომელიც იყო და აღარ არის.

ბევრჯერ დამიწერია და ბევრჯერ მიმიმართავს ახალგაზრდებისთვის, ბევრჯერ შევხვედრივართ ერთმანეთს, გვისაუბრია ბევრ რამეზე, ბევრჯერ გვიკამათია, ბევრჯერ გვიჭორავია, ბევრჯერ გვითამაშია, ბევრჯერ .. ბევრ ახალგაზრდასთან ერთად ბევრჯერ ყველგან ვყოფილვარ და ყოველთვის ვხედავდი და ვხედავ რისი დეფიციტი აქვს ამ თაობას…. ხარისხიანი ურთიერთობების!!! ავტორიტეტების არყოლის!!! ძალის და ბრძოლისუნარიანობის არასწორი მიმართულების და შედეგი? – აი, შედეგი… 19 წლის გიორგის შავ-თეთრი ფოტო.

იცით კიდევ რამდენი ასეთი გიორგია, რომლის გარდაცვალების შესახებ ჟურნალისტებს არ ამოუღიათ ხმაა? არც და ვერც გაუგიათ, არც და ვერც დაინტერესებულან და იცით კიდევ რამდენი გიორგი იქნება თუ პრობლემას შუიდან კი არა, თავშივე არ გადავწყვეტთ?!

იმათ და იმათნაირებს ვინც ეს 19 წლის ანგელოზივით ბიჭი მოუკლა ქვეყანას… იმათ უ ნ დ ა გავუჩინოთ ინტერესი! იმათ უნდა (!) ვასწავლოთ კაცობა და პრიორიტეტები! იმათ და იმათნაირებს უნდა წამოარტყათ თავის დროზე ტრაკზე ხელი!!! იმათ და იმათნაირების მიმართ უნდა იყოთ მტრად გამზრდელები, რომ მოყვარედ გამოგადგეთ!

რა, აქამდე არ იცოდით რომ მსგავსი სახის საჯარო თავყრილობები ქალაქგარეთ დაქირავებულ აგარაკებზე ხშირად იმართება?! რა, აქამდე არ იცოდით იქ ალგებრის ამოცანების ამოსახსნელად, რომ არ დადიან და ინგლისურში სამეცადინოდ?! რა, აქამდე არ იცოდით, რომ პლანის მყრალი სუნით გაჟღენთილი ახალგაზრდები უფრო საშიშნი, უფრო არალოიალურნი და უფრო სასტიკნი არიან?! თუ მართლა გჯერათ იმ დებილობების, რასაც ამ ნარკოტიკების მომხმარებელ, ბარიგა, გამპრავებლები გაბოლებენ?!

რა, აქამდე არ იცოდით ხშირ შემთხვევაში რა გარყვნილების ბუდედ არის ხოლმე ქცეული მსაგვსი „სხადნიაკები“? ჩემგან გესმით ეს პირველად, თუ ფაქტები და მაგალითები არ გაგაჩნიათ?! რა, ახლა გესმით, რომ იქ სადაც 10 და მეტი ერთმანეთისგან განსხვავებული ახალგაზრდები ირევიან ყოველთვის იქნება უმაღლესი რისკი – რაღაც ცუდის მოხდენისა?!!! ახლა გესმით, რომ ასეთ „სხადნიაკებზე“ ლექსების კითხვაში კი არ ეჯიბრებიან ერთმანეთს, არამედ სხვა, უფრო არაფრისმთქმელ საქციელებში! ახლა გესმით, რომ თანამედროვე კაი ბიჭობის და ძველი ბიჭობის ფენომენი, ახლოსაც კი ვერ მოვა თუნდაც 90-ანი წლების ამ ინსტიტუტთან?!

იკითხავს მავანი: – 19-20 წლის ახალგაზრდებს როგორ უნდა დავუშალოთ ერთად შეკრება, თავისუფლება და დროის ტარებაო?! გპასუხობთ: – როგორ და ჭრელააად თქვე იდიოტებო!!! ჭრეეელად! ყველა საშუალებით, ყველა ხერხის გამოყენებით… დაწყებული მინიმუმ 2-3 „ვზროსლის“ მსგავს „სხადნიაკზე“ ყოფნით (თუნდაც მოშორებით, სხვაგან, ცალკე სუფრასთან, ისე რომ ახალგაზრდები არ დაკომპლექსდნენ „ვზროსლების“ მათ გვერდით ყოფნით) – და დამთავრებული მინიმუმ მსგავსი ადგილების მეპატრონეთა მხრიდან სრული (!) კონტროლით!!! სრული კონტროლით-თქო!

19 წლის გიორგის დღეს მთელი უბანი დასტირის, მთელი საქართველო… და მხოლოდ იმის გამო, რომ თავი აარიდა, გაცლა ამჯობინა, მოშორება და წასვლა იქიდან სადაც არაადექვატური „სხადნიაკი“ იყო.

ყველა ის ვინც იმ „სხადნიაკზე“ იყო, დამნაშავე რომ გახდა ხვდებით?! 4 დღე ბიჭის ცხედარს ეძებდნენ, იმედიც ჰქონდათ, რომ ცოცხალი იყო და არცერთს იმ „სხადნიაკიდან“ წარბი არ შეუხრია და ტელევიზორში უყურებდა ალბათ გიორგის ძებნის ოპერაციას, როცა შესაძლოა იცოდა კიდეც, რომ – ის, არაგვის წყალში იჯიჯგნებოდა.

აკონტროლეთ შვილების თავისუფლება!!! აკონტროლეთ! და ნუ გგონიათ, რომ ან 18 ან 19 ან 20 ან 22, ის ასაკია როცა შვილს ჭკუა აღარ უნდა დაარიგო, რადგან ტეხავს, რადგან ის სრულწლოვანია და თავის საქმისა თვითონ იცის! ვინც ასე ფიქრობთ მტრები ხართ ყველა თქვენი და მითუმეტეს სხვისი შვილებისა!”– წერს ბესო ჩუბინიძე.