“იმ გოგონასაც ამოეღოს ხმა, რომ ვინმეს უსულო საგანი არ ეგონოს” – რას წერს თსუ-ს პროფესორი ჟვანია-თოფაძის ინციდენტზე

თსუ-ს პრო­ფე­სო­რი, ლელა გაფ­რინ­დაშ­ვი­ლი ბუსა ჟვა­ნი­ა­სა და ლე­ვან თო­ფა­ძეს შო­რის მომ­ხდარ ინ­ცი­დენტს სო­ცი­ა­ლურ ქსელ­ში ეხ­მა­უ­რე­ბა.

იგი გოგი თო­ფა­ძის შვი­ლიშ­ვილს გა­მო­ჯან­მრთე­ლე­ბას ულო­ცავს, ასევე წერს იმ გოგოზეც, რომელიც მედიაში გავრცელებული ინფორმაციით, 2 აგვისტოს მომხდარი დაპირისპირების მიზეზი გახდა.

“ლევან თოფაძის გადარჩენას და შინ დაბრუნებას ვულოცავ ყველა მის ახლობელს და ნინო ჟვანიას, რომლის პოზიცია გამორჩეულად ღირსეული იყო ამ დღეებში.

ბესარიონ ჟვანიასაც ვულოცავ,  მჯერა, რომ ეს ამბავი შეცვლის და განავითარებს მას პერსონალურად, როგორც ადამიანს და პიროვნებას, დაანახვებს და განაცდევინებს საკუთარ დანაშაულს.

მე მას არ ვიცნობ. სულ ერთხელ შევხვდი, უნივერსიტეტში,  1 საათით საქმიან თემაზე სასაუბროდ და არასოდეს დამავიწყდება მისი  დაინტერესებული და მშფოთვარე მზერა.

ლევან თოფაძეს არ ვიცნობ. რამდენჯერმე შევსწრებივარ მის ქებას. ძალიან ღირსეულად ეჭირა თავი პაპამისს, გოგი თოფაძეს,  ამ დღეებში.

იმ გოგონასაც ვულოცავ, რომლის მხოლოდ ფოტო გვაჩვენა მედიამ, როგორც ნატურმორტი . მასაც ამოეღოს ხმა, რომ ვინმეს მართლა უსულო საგანი არ ეგონოს და ადამიანად ჩათვალონ. ეს ხმის ამოღება უმნიშვნელოვანესია მისთვისაც და ყველა იმ გოგონასთვის, რომელსაც ჯერ არ “გაუღვიძია” და რომელსაც მსგავსი რამ შეემთხვა ან მომავალში შეიძლება შეემთხვეს!

საბოლოოდ კი ლევან თოფაძის გადარჩენას ვულოცავ ყველა ადამიანს, ვინც ჯერ კიდევ ადამიანია მგლების ხროვაში.”

შეგახსენებთ, ბიზნესმენ გოგი თოფაძის შვილიშვილის ლევან თოფაძის დაჭრის ფაქტზე დაკავებულია ყოფილი პრემიერ-მინისტრის, ზურაბ ჟვანიას შვილი, ბუსა ჟვანია. მას გამოძიება ჯანმრთელობის განზრახ მძიმე დაზიანებას ედავება.

 

 

ასევე იხილეთ