“დუტას ბულინგისთვის რომ გცალიათ ახლა, უკვე ძალიან კარგად ხართ!”

“გავიცანი და ვიცნობ დიდი ხანია, იმდენად კარგად, რომ ვიცი, როგორ უყვარს ქვეყანა, ბევრისგან განსხვავებით! დუტას ბულინგისთვის რომ გცალიათ ახლა, უკვე ძალიან კარგად ხართ!” – ასე ეხმაურება მსახიობი ნანკა კალატოზიშვილი „მთავარი არხის“ გენერალური დირექტორის, ნიკა გვარამიას მიერ დუტა სხირტლაძის გაკრიტიკებას.

“გაიცანით, დუტა სხირტლაძე. 2021 წლის 8 ნოემბერი – ტვ “იმედზე” მიყავს “ცეკვავენ ვარსკვლავები”. 2007 წლის 8 ნოემბერი – “რუსთავი 2” -ზე მიყავდა “ჯეოსტარი”. ის იგივეა, მარად და მარად,” – დაწერა ნიკა გვარამიამ საკუთარ ფეისბუქ გვერდზე და კომენტარებში, საკუთარი პრეტენზიის მიზეზი კიდევ უფრო დააკონკრეტა.
„რა ლოგო, რა სამთავრობო არხი, ახლა „ცეკვავენ ვარსკვლავები“ უნდა გადიოდეს? ან მიგყავდეს ან ცეკვავდე?“ – წერს ნიკა გვარამია.

„მთავარი არხის“ გენერალური დირექტორის ამ პოსტის კომენტარებში, გვარამიას ფეისბუქ მეგობრები, დუტა სხირტლაძეს მკაცრად აკრიტიკებენ.