“ვიღაცისთვის სისადავე მიუღებელია, ჩემთვის კი სამკაულების “აჩორჩხვლა“ არ ასოცირდება სილამაზესთან”

მაკა მახარაძე ჟურნალ „გზასთან“ საუბრობს გემოვნების შესახებ და ასევე საკუთარ გარდერობზე და აღნიშნავს, რომ უპირატესობას პლასტმასის საყურეებსა და მძივებს ანიჭებს, ოქროს ნივთი კი საერთოდ არ გააჩნია. სხვათა შორის, ოქრო არ უყვარდა არც მაკას დედას, ცნობილ მსახიობს, მედეა ჩახავას.

მაკა მახარაძე:

„ვიღაცისთვის სისადავე მიუღებელია, ჩემთვის კი სამკაულების „აჩორჩხვლა“ არ ასოცირდება სილამაზესთან, მაგრამ კაცია და გუნება… ჩემი სამოსი ყოველდღიური და გამოსასვლელიც – შარვლით შემოიფარგლება. არც კაბა მაქვს და არც ქვედაბოლო. შარვალი უფრო მოვიხდინე, რადგან კაბაში ორჯერ დიდი ვარ, ვიდრე სინამდვილეში და ამას ჩემთვის დიდი მნიშვნელობა აქვს….“