“ვინც იცნობს ნოეს, ყველამ იცის თუ რას ნიშნავს მისთვის სამშობლო და ამ სამშობლოს თავისუფლება”
სალომე ღვინიაშვილი სოციალურ ქსელში პოსტს აქვეყნებს.
“თითქოს ყველაფერს მიჩვეული, მაინც ცოტა გაოგნებული დავრჩი ნოეს მიმართ ასეთი ხარისხის აგრესიით. დღეს რამდენჯერმე მოვისმინე მოსაზრება – ლუკმა როგორ გადაუგდო ამ ჩასაფრებულებს, არ იცის ვინ არიანო? – ვერ გეცოდინება, აგრესიის ამ ხარისხს წინასწარ ვერ გათვლი. ამ კითხვის გარდა ბევრი სხვა კითხვაც იყო დასმული, როგორც ჩანს ისინი არ გამოდგა ინტერპრეტაციისთვის. ბოლო დროს ტენდენციად იქცა აზრის და ჩანაფიქრის დამახინჯება და სენსიტიური საკითხებით ხალხის ემოციებზე თამაში.
ძალიან დიდი სურვილი მაქვს ისეთ ქვეყანაში ვიცხოვრო სადაც მსგავსი ჩაკირკიტება, ჩასაფრება და მერე ადამიანის მიზანმიმართული, ორკესტრირებული შეურაცხყოფა/ჩაქოლვა სამარცხვინო საქციელად იქნება მიჩნეული.
ძალიან ტეხავს, ვინც იცნობს ნოეს, ყველამ იცის თუ რას ნიშნავს მისთვის სამშობლო და ამ სამშობლოს თავისუფლება.