შოთა დიღმელაშვილმა საქართველო დატოვა

შოთა დიღმელაშვილი შოტლანდიაში გაემგზავრა და ედინბურგის უნივერსიტეტში დაიწყო სწავლა, შესაბამისად, ქართულ პოლიტიკურ პროცესებს გამოეთიშა.

“ჩემი და დედოფლის ბედი უცნაურად დაკავშირდა. პირველად, როცა ედინბურგში მოვხვდი, ზუსტად მაგ დღეს გახდა ელისაბედ მეორე გაერთიანებული სამეფოს ყველაზე ხანგრძლივი მონარქი. მეორედ კი პირდაპირ გასვენებაში ჩამოვედი.

ეს ქალაქი ერთი ნახვით შემიყვარდა და მას მერე შოტლანდია ჩემთვის შოთლანდიაა. საბუთებიც სხვაგან არსად შემიტანია, მხოლოდ ედინბურგის უნივერსიტეტში, რომელიც მაშინ დაფუძნდა, როცა შაჰ აბასი მეფე სვიმონს ოსმალეთთან ომს აძალებდა.
უზომოდ ბედნიერი ვარ, რომ ამ წელს მსოფლიოს ერთერთ საუკეთესო სასწავლებელში, ულამაზეს ქალაქში გავატარებ.

დიდი მადლობა მეგობრებს, რომელთა მხარდაჭერის გარეშე ეს შეუძლებელი იქნებოდა.”– წერს შოთა დიღმელაშვილი და იქვე აზუსტებს, რომ ვადამდელ არჩევნებამდე ჩამოასწრებს.