“ძალიან გთხოვთ, ეს კლასელების დედიკოები ნუ გამომიხტებით, ისედაც თქვენი გაუბედურებული ცხოვრებით და ჩემს ოჯახს ნუ აყენებთ შეურაცხყოფას”

“პრაიმ ჰაუსის” მონაწილე, მარიამ ჩაგანავა ამბობს, რომ პროექტში აბულინგებენ – ამის შესახებ მან “პრაიმტაიმთან“ ისაუბრა.

“ველოდი აუტსაიდერობას, ძალიან ნეგატიურად არიან ჩემს მიმართ განწყობილები. ვარ ჩვეულებრივი ბულინგის მსხვერპლი, მაბულინგებს ნახევარი საქართველო, ეს პარიზიდან ჩამოთრეული აშარაშკა, ამას თავი ვინ ჰგონიაო. ყველას პირში ვეუბნები ყველაფერს და არ მრცხვენია აზრის გამოხატვის. ზოგადად, ქართველებს გვჩვევია, რომ პირდაპირობა და სიმართლე არ გვიყვარს.

ძალიან გთხოვთ, ეს კლასელების დედიკოები ნუ გამომიხტებით, ისედაც თქვენი გაუბედურებული ცხოვრებით და ჩემს ოჯახს ნუ აყენებთ შეურაცხყოფას. ყოველთვის მაკრიტიკებდნენ ჩემი ჩაცმულობის გამო, ამის მიზეზი, ჩემი აზრით, ის არის, რომ თავად არ აძლევდნენ ოჯახში იმის უფლებას, რაც უნდოდათ ის გაეკეთებინათ და ყოფილიყვნენ თავისუფლები. მოგმართავთ, ძალიან გთხოვთ, თქვენი გაუბედურებული ცხოვრებით სხვას ნუ აბულინგებთ. მე ვერანაირ ზიანს ვერ მომაყენებენ, არ მინდა, რომ ჩემს ოჯახს ვინმემ შეურაცხყოფა მიაყენოს“, – ამბობს მარიამ ჩაგანავა.