რატომ ვერ შედგა მარიამ ჯოლოგუასა და კოტე თოლორდავას ოჯახური ურთიერთობა?

მსახიობი მარიამ ჯოლოგუა გადაცემაში “ნიკოლოზის კითხვები” წლების შემდეგ პირველად შეეხო პირად თემას – ქორწინებასა და ურთიერთობას მსახიობ კოტე თოლორდავასთან, რომელთანაც ოთხწლიანი თანაცხოვრებისას საერთო შვილი, ბუკა თოლორდავა შეეძინათ.

მარიამი იხსენებს, რომ მაშინდელი გადაწყვეტილება ადრეულ ასაკში ქორწინება, მისი ოჯახისთვის მოულოდნელი იყო და თანაც საკმაოდ რთულად გადასატანი, განსაკუთრებით დედისთვის. როგორც თავად ამბობს, კოტეს გაცნობის პირველივე დღიდან მოეწონა და მისი სიმპათია თავად კოტემაც მალევე გამოხატა:

“19-ისაც არ ვიყავი, როცა დავოჯახდი. რამდენიმე თვე ვხვდებოდით და მშობლები ამას ძალიან მძიმედ შეხვდნენ. განსაკუთრებით დედა. ქორწინებამ 4 წელი გასტანა.”

მსახიობმა აღნიშნა, რომ არასდროს უსაუბრია ამ თემაზე საჯაროდ, რადგან შვილის, ბუკას ასაკს და მდგომარეობას უფრთხილდებოდა. თუმცა ახლა, მისი სიტყვებით, დრო მოვიდა გარკვეული საკითხების ნათლად დასახელებისთვის:

“ბუკა პატარა იყო და არ მინდოდა, ეს ამბები ტელევიზიით მოესმინა. ახლა დრო გავიდა, ყველაფერი თითქოს დასტაბილურდა და უბრალო ფაქტების თქმაც, ალბათ, შეიძლება.”

მარიამ ჯოლოგუა ამბობს, რომ კოტე თოლორდავასთან პირველ რიგში პროფესიული კავშირი და მსახიობური წრე აკავშირებდა:

“ის პირველი მსახიობი იყო, ვინც ასე ახლოდან გავიცანი. თავიდანვე მოეწონა ჩემი თავი და ეს ღიად მითხრა, რამაც ჩემზე დიდი გავლენა იქონია.”

მსახიობი ასევე შეეხო შვილის აღზრდასთან დაკავშირებულ პერიოდს და მშობლების მნიშვნელოვან როლს ბუკას ფორმირებაში. როგორც ამბობს, ბუკამ ბავშვობის დიდი ნაწილი დედმამიშვილებთან გაატარა და ბიჭი, მამის ნაცვლად, უფრო მის ბაბუას ჰგავს:

“ბუკა 2 წლის იყო, როცა თეატრალურში ჩავაბარე. მას დედა რამდენიმე წელი აკლდა, მეც მაკლდა… თუმცა დღეს ვხედავ, რამდენად დიდი გავლენა იქონია მასზე იმ გარემომ, სადაც ის გაიზარდა.”

მარიამი არ მალავს, რომ მათი ურთიერთობა კოტესთან კონფლიქტური იყო, რაც ბუკასაც კარგად ახსოვს:

“არც კი ვიცნობდით ერთმანეთს კარგად, როცა გადავდგით ეს ნაბიჯი. არც მოგვწონდა ერთმანეთი ბოლომდე. შესაბამისად, ბუნებრივია, ამაზე კითხვები შვილსაც უჩნდებოდა…”