“ეს დედაჩემია 61 წლის ასაკში” – ეკა კახიანის შთამბეჭდავი კადრები

ეკა კახიანი ჯერ კიდევ ბავშვობიდან იქცა საზოგადოებისთვის საყვარელ სახედ. ის ფართო აუდიტორიამ “მზიურიდან” გაიცნო, მოგვიანებით კი ეკამ საკუთარი ცხოვრების გზა კვლავ ხელოვნებას დაუკავშირა და ცენტრალური მუსიკალური გიმნაზია და შოთა რუსთაველის სახელობის თეატრისა და კინოს უნივერსიტეტი დაამთავრა. 

ეკა ახლა სამი ქალიშვილის დედა და სამი შვილიშვილის ბებიაა. მშვენიერი მუსიკოსი ამტკიცებს, რომ ასაკი მხოლოდ ციფრებია და შვილების გვერდით თავადაც ახალგაზრდულად გამოიყურება. ამჯერად მის კადრებს უმცროსი ქალიშვილი, ქეთო თოფურიძე აქვეყნებს: “დაბერების არ მეშინია, რადგან ეს დედაჩემია 61 წლის ასაკში”, – წერს ქეთო.