“დე, შენს სულ ვენაცვალე… შენი სახელის ხსოვნა იყოს…“
როგორც ცნობილია, საქართველოს რაგბის ეროვნული ნაკრების ყოფილი კაპიტანი მერაბ შარიქაძე, დოპინგსკანდალის მერე, დისკვალიფიცირებულია. სპორტსმენი რამდენიმე წელია, ვერ თამაშობს საყვარელ თამაშს და ბოლო პერიოდში, MMA-ში გადაინაცვლა. პირველი ორთაბრძოლა გუშინ გაიმართა და მერაბის გამარჯვებით დასრულდა.
გამარჯვება მერაბმა გარდაცვლილ დედას მიუძღვნა, რომელიც მისი ყველაზე დიდი გულშემატკივარი იყო. ცოტა ხნის წინ ინტერვიუში აღნიშნა: “ზუსტად ვერ ვციტირებ სიტყვებს, საფულეში წერილი ჰქონდა და ასეთი რამ ეწერა: ღმერთო, გთხოვ, ბუკა დააბრუნე მოედანზე, კაპიტნად. თვითონ ტკივილს ვერ გაუძლო და მაინც ჩემს კარიერაზე ფიქრობდა ბოლო მომენტამდე”.
ახლა კი, გამარჯვებისთანავე თქვა:
– მადლობა დედას, რომელიც ჩემი ყველაზე დიდი ქომაგი იყო და ამ დღეს ვერ მოესწრო… დე… ეს გამარჯვება მას ეკუთვნოდა, მას მივუძღვენი… დე, შენს სულ ვენაცვალე და შენი სახელის ხსოვნა იყოს. მადლობა ჩემს ოჯახს, ჩემს მეუღლეს…
ბრძოლაზე და ბრძოლის შემდეგ, გამარჯვების აღსანიშნავ წვეულებაზე მერაბის გვერდით იყო მისი მეუღლე ანანო კალაძე.
View this post on Instagram