“მადლობა ღმერთს, ორივე მშობიარობა საკმაოდ მარტივი იყო, განსაკუთრებით – მეორე”
სულ ცოტა ხნის წინ ქართველი მაყურებლისთვის საყვარელი მსახიობი და ტელეწამყვანი რუსკა ქარქაშაძე გოგონას დედა გახდა. მშობლებმა ახალშობილს თინათინი დაარქვეს. რუსკა ქარქაშაძის რჩეული ბიზნესმენი ლაშა მოწონელიძეა. მათ უკვე ჰყავთ უფროსი ვაჟი – ზუკა, რომელიც ახლა უკვე პატარა თინათინის უფროსი ძმა გახდა. დედობის გამოცდილების შესახებ რუსკა ქარქაშაძე სხვა ახალგაზრდა დედებისგან არაერთ კითხვას იღებს – ზოგიერთ მათგანს რუსკამ ინსტაგრამ სთორის საშუალებით უპასუხა.
– ყველაზე რთული რა იყო მთელი მშობიარობის დროს ან მანამდე, ან თუნდაც ახლა?
– მადლობა ღმერთს, ორივე მშობიარობა საკმაოდ მარტივი იყო, განსაკუთრებით – მეორე, ისე მალე მოხდა ყველაფერი, გააზრებაც ვერ მოვასწარი. ჩემთვის ყველაზე რთული ნაწილი – ლაქტაციის საწყისი პერიოდია, რომელიც ჩემთვის გაცილებით მტკივნეული იყო, ვიდრე მშობიარობა. თუმცა ახლა უკვე რეგულირდება ნელ-ნელა ყველაფერი და უკეთესობისკენ მიდის.
– მაინტერესებს, გაიკეთე თუ არა გაუტკივარება?
– რა თქმა უნდა, გავიკეთე. არც განვიხილავდი – არ გაკეთებას.
– ძიძა ან დამხმარე თუ გყავს?
– დიახ.
– ზუკა ხომ არ ეჭვიანობს?
– არა.