“შენ იყავი ზუსტად ის მარიკუნა მიქატაძე, რომლის ძმაც ვიყავი, ვარ და ვიქნები” – გიორგი ფერაძე დას, მარიკუნა მიქატაძეს წერილს უძღვნის

ცნობილი ქართველი მსახიობის, გია ფერაძის ქალიშვილის, მარიკუნა მიქატაძის გარდაცვალებიდან 3 წელი გავიდა. მარიკუნა საბერძნეთში ტრაგიკულად დაიღუპა.

ამ დღესთან დაკავშირებით, მარიკუნას ძმამ, გიორგი ფერაძემ, სოციალურ ქსელში წერილი გამოაქვეყნა:

პირველად 25 წლის ასაკში შეგხვდი, 39 წლისა კი „საბერძნეთში“ გაგაცილე. შენი ოჯახიდან უკანასკნელი მე ვიყავი, ვინც გნახა. მე ვიყავი ერთადერთი, ვინც ჩემი გამოჩენით დაგეხმარა, რომ ოდნავ მაინც გეპატიებინა მამაჩვენისთვის! შენ კი… შენ იყავი ზუსტად ის მარიკუნა მიქატაძე, რომლის ძმაც ვიყავი, ვარ და ვიქნები.

ერთი მხრივ, ვწუხვარ, რომ ვერ მოვახერხე შენი გაცილება… მეორე მხრივ კი, მადლობელი ვარ ჩემი პროფესიის, რომელმაც არ მომცა საშუალება, შენი წასვლის სურათი გარდაცვალების სურათით შემეცვალა. შენ იქ ხარ, ჩემო კაშკაშა ქართულო მზეო, ანათებ და ყველას ათბობ შენი სიცილით! ღრმად მწამს, რომ სადღაც იქ კვლავ შევხვდებით, რათა გავაგრძელოთ ამ – უფრო სწორად, მომავალ – ცხოვრებაზე სიცილი!

დაე, შენი გზა ნათელი იყოს და გაათბოს შენი სული ჩვენი გულების სითბომ!” – წერს გიორგი ფერაძე.

https://marao.ge/