ბოლო დროის ყველაზე მდიდრული ქართული ქორწილი ახლახან შედგა.
ბიზნესმენ გუჯა ბუბუტეიშვილის ვაჟმა, გიორგიმ თავის რჩეულზე, ანი ფურცელაძეზე იქორწინა, რომელიც ნინო ელიავასთან ერთად მანჰეტენზე ქართველი დიზაინერების ბუტიკის „მალატის“ ერთ-ერთი დამფუძნებელია.
ქორწილი ორი დღის განმავლობაში გაგრძელდა.
პატარძალი ულამაზესი იყო და ორივე დღისთვის სხვადასხვა თეთრი კაბა შეარჩია.
ქორწილისთვის სპეციალურად მოიწვიეს ცნობილი ამერიკელი მომღერალი, დაიანა კინგი, რომელიც ქორწილის პირველ დღეს მღეროდა. აქტიური და ენერგიული პატარძალი მასთან ერთად ცეკვავდა და მღეროდა სცენაზე.
ანი ფურცელაძისა და გიორგი ბუბუტეიშვილის ქორწილს უამრავი ცნობილი სახე ესწრებოდა.