რადიო „ფორტუნასთან“ რუბრიკაში #ვარსკვლავურიდუეტი აჩიკო სოლოღაშვილი და თიკა ფაცაცია ერთმანეთზე და მეგობრობაზე საუბრობენ.
აჩიკო სოლოღაშვილი ხუმრობით ამბობს, იმისთვის, რომ თიკას სიმაღლეში დაეწიოს, სქელძირიანი ფეხსაცმელი გამოიწერა:
„ძალიან ტრენდული გახდა მამაკაცის მაღალ, მთელ ძირზე ფეხსაცმელი და გამოვიწერე, რომ ჩემს თიკას ოდნავ მაინც გადმოვხედო ზემოდან… ოდნავ… ვინ იბრალებს ზაზა ფაჩულიობას, ჩვენ ჩვენი ადგილი გვაქვს. ოდნავ მხარი მაინც რომ გავუსწორო. ავედი და გადმოვხედე… მთელი საღამო ჯვარივით ვზიდე ეს ფეხსაცმელი. დამთავრდა ღონისძიება, რომელიც ერთად მიგვყავდა. მივხვდი, რომ ამაზე დიდი ბედნიერება არ არსებობს, როცა შენს ბრტყელ ფეხზე დგახარ…“