ქართველი მსახიობი ია ფარულავა ცოტა ხნის წინ დავით ქაშიაშვილის პოდკასტის “მესმე ფურცელის” სტუმარი იყო. მან თავის ცხოვრებაზე, განვლილ გზასა და სხვა საინტერესო თემებზე ისაუბრა:
“ჩემი არტისტული, ემოციური და ცეცხლოვანი ბუნებიდან გამომდინარე, გატაცება მქონდა და მჯეროდა სიყვარულის, მაგრამ მერე ეს სიყვარულები მარტივად ქრებოდნენ. ალბათ, ამის დასტურიც არის ჩემი ოთხ-ნახევარი ქმრის ამბავი. ჩემს ცხოვრებაში მე ძალიან მიყვარდა 2 ადამიანი, შეიძლება მესამეც, მაგრამ არ დავასახელებ.
ცხოვრება განვიხილოთ რეინკარნაციული მხრიდან და ვთქვათ, თითოეული ჩვენი ცხოვრება და შემდეგი ჩვენი ცხოვრება იქნება ერთგვარი გამოცდა. ეს ცხოვრება ძალიან რთული აღმოჩნდა ჩემთვის, ვერ ვიტყვი, რომ პირად ცხოვრებაში გამიმართლა, დიდად არც კარიერაში გამიმართლა, ამას ჩემი ჰოლივუდური წლები ცხადყოფს. ყველაფერი, რაც გავიარე, საჭირო იყო იმისთვის, რომ მე ჩამოვყალიბებულიყავი იმ პიროვნებად, რაც ვარ დღეს, თავისი სიძლიერით, თავისი სისუსტეების ჩაჩქმავლით, თავისი ბნელი მხარის გაზიარებით. რომ არა ჩემი პირადი ისტორია, მე ვერ ვიქნებოდი ის, ვინც ვარ”, – ამბობს ია ფარულავა.