„წლების განმავლობაში გაურკვევლობაში ვიყავი, არ ვიცოდი, ლოცვის დროს ჩემი შვილი გარდაცვლილებში უნდა მომეხსენებინა თუ ცოცხლებში, ახლა კი ზუსტად ვიცი, რომ ცოცხალია“, _ უთხრა „სარკეს“ ანუკა გიორგელაშვილმა. ის და მისი ყოფილი ქმარი, მსახიობი და რეპერი, კახა აბუაშვილი, იგივე კაბუ, თავიანთ უფროს შვილს ეძებენ. ანუკა „სარკის“ ახალ ნომერში ყვება, როგორ „ააორთქლეს“ მისი შვილი სამშობიაროდან.
-ჯანმრთელი შვილი გავაჩინე, 6 საათი ჩემ გვერდით იყო, მერე წაიყვანეს და ააორთქლეს!.. კახა რომ არ ყოფილიყო, მაშინ იმ ტკივილს ვერ გადავიტანდი, კახა არანორმალური ერთგულებით დამიდგა გვერდით… – ყვება ანუკა გიორგელაშვილი „სარკის“ ახალ ნომერში.