ნანუკა ჟორჟოლიანმა საკუთარ გადაცემაში მომღერალ ვერიკო ტურაშვილთან ერთად მარტოხელა დედობის შესახებ ისაუბრა და საკუთარი გამოცდილებაც გააზიარა. მისი უფორის შვილი, მარიამ გეგუჩაძე უკვე 29 წლისაა, ხოლო საბა კოდუა – 17 წლის. სწორედ საბასთან ურთიერთობის დეტალებზე გაამახვილა ყურადღება ნანუკა ჟორჟოლიანმა.
„მარტოხელა დედობის ამბავი. მე ვიცი, რომ რთულია. მე მქონია მარტოხელა დედობის ეპიზოდები. ვერ ვიტყვი, რომ მთელი ამ წლების განმავლობაში ვიყავი მარტოხელა დედა, მაგრამ ეპიზოდები მქონია.
რთულია გადაწყვეტილების მიღების თვალსაზრისით, მხოლოდ შემოსავალი ხომ არ არის – ყველა ბავშვს აქვს თავისი პრობლმა – ძნელია ამ გამოწვევებთან გამკლავება. მე ეს მომენტი მაქვს საბასთან. ბავშვი გამოწვევების წინაშეა და შენ ხარ მარტო, გვერდით მდგომი არავინაა, ვერავის უზიარებ.
მასთან ერთად უნდა მიიღო გადაწყვეტილება, შენ ხარ ის ერთადერთი, შენზეა პასუხისმგებლობა მის ჯანმრთელობაზე, სწავლაზე, იმაზე, თუ როგორი ადამიანი იქნება, შემდეგ ფინანსური პასუხისმგებლობაც ემატება. საბოლოოდ, ეს კიდევ სხვანაირად გვაძლიერებს, მაგრამ ყველაზე საინტერესო ნაწილი მაინც ისაა, როგორ ვუმკლავდებით ამ პასუხისმგებლობას”, – აღნიშნავს ნანუკა ჟორჟოლიანი.