გიორგი ღოღობერიძის პირადი ტრაგედია – „ჯერ კიდევ იქ ვართ“
გიორგი ღოღობერიძე გადაცემა „ფარულ კონვერტში“ დედაზე საუბრობს.
„მეთერთმეტეკლასელი ვიყავი, როდესაც დედას სიმსივნე დაემართა. გადავწყვიტე გავმხდარიყავი ექიმი.
დედის ავადმყოფობის მერე თითოეული წამი შეიცვალა. ყოველი წამი გინდა, რომ სწორად გამოიყენო. ვისწავლე დროის დაფასება, ვისწავლე, რომ ვიყო ძალიან ძალიან ჭკვიანი ექიმი და ვერკვეოდეყველაფერში.
დედა პედაგოგი იყო, ცუდად იყო და მაინც ამბობდა ბავშვებთან როგორ შეიძლება გაცდენაო. სიკვდილამდე რამდენიმე საათით ადრე სკოლა არ გააცდინა და ბავშვებთან წავიდა, მან ცხოვრების ბოლო წუთები საყვარელ საქმეში გაატარა.
დეპრესია დედის გარდაცვალების ფაქტმა დამიტოვა და ეს დღემდეც გრძელდება. დედაჩემს სულ ვხედავ ჩემს სიზმრებში. ეს ჩვეულებრივი ამბავია. ჯერ კიდევ იქ ვართ, იქიდან არ წამოვსულვართ… დედასთან ასე მაქვს კონტაქტი“,- ამბობს გიორგი ღოღობერიძე.