თემურ ჭყონია რონალდუს ჟესტს “ხეპრულს” უწოდებს
ბიზნესმენი თემურ ჭყონია ფეხბურთელ კრიშტიანუ რონალდუს საქციელს აკრიტიკებს.
“ვითომ რაღაც გააკეთა. მე ვფიქრობ, რომ ხეპრე ფეხბურთელის ჟესტი იყო. ჯერ ერთი, უწესობაა მაშინ, როცა მთელი ჩემპიონატის სპონსორია “კოკა-კოლა”. მეორეც, არაერთი ცნობილი ადამიანი, მათ შორის ელვის პრესლი უკეთებდა რეკლამას “კოკა-კოლას” და ვინ არის რონალდუ ელვის პრესლისთან? ნული. მისი დიდი გულშემატკივარი არასდროს ვყოფილვარ და ახლა დამთავრებულია მისი საქმე ჩემს თვალში. ვითომ მაგარია. მაგასაც ვნახავთ, ჩემპიონატი რომ დამთავრდება, როგორი მაგარია”,- განაცხადა თემურ ჭყონიამ, რომელიც “კოკა-კოლასა” და “მაკდონალდსის” ფრანჩაიზს ფლობს, “ბიზნეს ფორმულასთან” საუბარში.
ფეხბურთელმა პრესკონფერენციაზე კოკა-კოლა გვერდზე გადადო და საზოგადოებას წყლის დალევისკენ მოუწოდა. აღნიშნულის გამო კომპანიამ რამდენიმე მილიარდი დოლარით იზარალა.