”მთხოვა, ჯერ არ თქვა, ასეთი ნაცემი რომ ვარ, შვილები ინერვიულებენო”
ჟურნალისტი ლიკა ალელიშვილი იმ დღეს იხსენებს, როცა ლექსო ლაშქარავას 5 ივლისს უსასტიკესად გაუსწორდნენ.
,,ღმერთის სახელით რომ იძალადეს 5 ივლისს, აი, ეს არის შედეგი! ლექსო გარდაიცვალა.
სადარბაზოში რომ შეგვხვდნენ მოძალადეები, კამერის დაწევა ვერ მოასწრო, ისე ურტყეს თავში და ყველგან. მეორე ფოტო მე გადავუღე, სარდაფში რომ ჩავედით. მთხოვა, ჯერ არ თქვა, რომ ასეთი ნაცემი ვარ, შვილები ინერვიულებენო. ორი ბავშვი მამის გარეშე დარჩა მოძალადეების გამო.
ახლა რა იქნება? უბრალოდ მიუსამძიმრებთ? ხვალ ისევ გამოიყვანთ ღმერთის სახელით მოძალადეებს ქუჩაში და ისევ ჩაქოლავენ ვინმეს. ასეთ ქვეყანაში საერთოდ რა აზრის აქვს რამეს”.