“ხშირად აგრესიულობა, ბიპოლარული აშლილობის მახასიათებელი ნიშნები მაქვს”
მომღერალი ლიზა ყენია კორონავირუსის გადატანის შემდეგ, დატოვებულ ჯანმრთელობის პრობლემებთან დაკავშირებით სოციაულურ ქსელში პოსტს აქვეყნებს:
“კორონის მერე, ვგრძნობ, რომ რაღაც ვერ ვარ კარგად. არასდროს ვუჩიოდი ინტელექტს, ყოველთვის აზრზე მოსული, კონცენტრირებული, რეალისტი, მიზანდასახული და ოპტიმისტური ადამიანი ვიყავი, მაგრამ რაც კორონამ “გადამიარა”, ვატყობ, რომ სრული ნიჰილიზმი, ხშირად აგრესიულობაც, ბიპოლარული აშლილობის მახასიათებელი ნიშნები მაქვს, კონცენტრაციას ვერ ვახდენ და თითქოს ყველაფერი “ფეხებზე მკიდია”. აი, მაგალითად, როდესაც სადმე მივდივარ, მეგობართან, სადაც ბევრჯერ ვარ ნამყოფი, შეიძლება რვა წრე დავარტყა და რვაჯერ ავცდე ჩასახვევს, მეცხრე წრეზე რომ მივიდივარ, ხომ ვხვდები, რომ მეცხრეზე მივდივარ, მაგრამ მთავარი პრობლემა რა არის იცით? რომ “ფეხებზე მკიდია”.
ყველაზე სადარდებელი ის არის, რომ მეზარება ხალხი, ყველანაირი თავშეყრის ადგილი, ეს დიდი ხნის წინ დამეწყო, მაგრამ ახლა გამიმძაფრდა, აშკარად მაგაზე “დამარტყა” კორონამ და ძირითადად ვწევარ. სულ დაწოლა მინდა”, – წერს ლიზა ყენია.