“ჯერჯერობით არ მაქვს სიმპტომი, მაგრამ ფსიქოლოგიური სტრესი ხომ ამკიდა?”

„გუშინწინ იყო ჩემთან მთელი 3-4 საათი სტუმრად და ახლა მეც უნდა ვიძიგძიგო არიქა,ამეკიდა თუ არა? ჯერჯერობით არ მაქვს სიმპტომი. სიცხეც 36,7 – ია, მაგრამ ფსიქოლოგიური სტრესი ხომ ამკიდა?“ – ამის შესახებ ქართველი სოპრანო თამარ ივერი სოციალურ ქსელში წერს.

„ასე იცის ადამიანის გათამამებამ: აცრილი ვარ არ შეგეშინდეს!! ახლახანს მოვიხადე, არ შეგეშინდეს!! ამ არგუმენტებით „აღჭურვილნი“ შემოდიან ოჯახში ყოველგვარი პირბადის გარეშე, ცხვირწინ გიჯდებიან, გემუსაიფებიან… შენც წყნარად ხარ, „აცრილია, ახლახანს მოიხადა და ა.შ.“ ფიქრებით. აღარ ერიდები და….. უცებ ბაც!

ეგეთი მირეკავს დღეს და მეუბნება რაღაც სიცხე მაქვსო და მერე სწრაფმა უჩვენა დადებითი! არადა, გუშინწინ იყო ჩემთან მთელი 3-4 საათი სტუმრად და ახლა მეც უნდა ვიძიგძიგო არიქა, ამეკიდა თუ არა? ჯერჯერობით არ მაქვს სიმპტომი. სიცხეც 36,7 – ია მაგრამ ფსიქოლოგიური სტრესი ხომ ამკიდა? მოკლედ, ესეც შენი აცრილ – მოხდილები.“ – წერს თამარ ივერი.