აშშ-ში სპეციალური ავიარეისები სრულდება მათთვის, ვისაც ფრენის დროს სექსით დაკავება სურს

ამერიკულმა კომპანიამ Love Cloud („სიყვარულის ღრუბელი“) აშშ-ში ავიარეისების განხორციელება დაიწყო მათთვის, ვისაც ფრენის დროს სექსით დაკავება სურს. ამის შესახებ New York Post-ი წერს.

გამოცემის ინფორმაციით, ორძრავიანი თვითმფრინავი 45-დან 90 წუთამდე ხანგრძლივობის რეისებს ასრულებს. ბორტი აღჭურვილია ორადგილიანი ლეიბით, ატლასის თეთრეულითა და ბალიშებით. პილოტის ადგილი მგზავრებისთვის განკუთვნილი სივრცისგან ფარდით არის გაყოფილი, მფრინავს ასევე ხმაურის დამხშობი ყურსასმენებიც უკეთია, რათა კლიენტებმა სრულად შეძლონ მოდუნება. 45-წუთიანი ფრენის ღირებულება 995 დოლარს შეადგენს.

Love Cloud-ი რომანტიკული ფრენების სერვისს კლიენტებს უკვე 7 წელია სთავაზობს, თუმცა აქამდე მხოლოდ ჰაერში პაემნებისა და ხელის თხოვნის ცერემონიების მოწყობით შემოიფარგლებოდა, ფრენის დროს სექსი აკრძალული იყო. კომპანიის ხელმძღვანელობამ პოზიცია ცოტა ხნის წინ შეცვალა, როდესაც ერთ-ერთმა კლიენტმა შეყვარებულს ხელი მიწაზე სთხოვა, შემდეგ კი კომპანიის ადმინისტრაციას „ცერემონიის ჰაერში დასრულების“ ნებართვა სთხოვა.