“მაშინ ამის შესახებ ხმამაღლა არ გვითქვამს, თავიდან შეგვეშინდა, ვნერვიულობდით…” – გიორგი გასვიანი აქამდე უცნობ ამბავს გვიყვება

ჟურნალისტმა, გიორგი გასავიანმა ჟურნალ “თბილისელებთან” ცოლის და პატარა შვილის შესახებ ისაუბრა, გიორგი გასვიანის თქმით ცოლის ორსულობის პერიოდმა საერთო ჯამში კარგად ჩაიარა, მაგრამ ყველაზე მეტად მაშინ შეეშინდათ, როდესაც მარიტას ორსულობისას კოვიდი დაუდასტურდა.

“ფეხმძიმობის პერიოდი ძალიან ტკბილი იყო, თუ არ ჩავთვლით იმ დღეებს, როცა მარიტას კოვიდი ჰქონდა. მაშინ ამის შესახებ ხმამაღლა არ გვითქვამს, თავიდან შეგვეშინდა, ვნერვიულობდით, რადგან მედიაში გვესმოდა, რომ ამ ვირუსით ფეხმძიმეები იღუპებოდნენ. დიდი მადლობა მინდა ვუთხრა ლევან რატიანს, რომელიც გვერდით დაგვიდგა. მარიტა რამდენიმე დღე დავაწვინეთ კლინიკაში და საბედნიეროდ, ვირუსი მსუბუქად გადაიტანა, მერვე თვეში აიცრა კიდე და ყველაფერმა გართულების გარეშე ჩაიარა. სხვა მხრივ ფეხმძიმობამ მშვიდობიანად ჩაიარა. მარიტას განსაკუთრებული მოთხოვნები არ ჰქონია, არც ტოქსიკოზს შევუწუხებივართ…”.

გიორგი გალას შესახებ ამბობს: „ორივეს გვგავს. რომ დაიბადა, ყველამ თქვა, გიორგის ჰგავს და მეც რომ ვუყურებ ჩემი ბავშვობის ფოტოებს, ვიმსგავსებ. მარიტასა და მარიტას ოჯახის წევრებსაც ჰგავს. სულ იცვლება და ვნახოთ, მაგრამ რომ ვუყურებ, ჩემს შვილში გენეტიკურ მსგავსებას ვხედავ და ამის გაცნობიერება ძალიან სასიამოვნოა…”.