“აქ რომ მეწიკვინებით ეს ხაშურლები, მერიას სთხოვეთ…”

,,აქ რომ მეწიკვინებით ეს ხაშურელები, თუ ამდენი ხართ, მიადექით თქვენს მერიას და სთხოვეთ, ხელი შეავლოს ქალაქს, რომ მერე ,,ჩემნაირების” იუმორისტულ ჩანართებში აღარ გახდეთ მოსახსენიებლები, ასე არ სჯობს”, – ასე უპასუხა ბლოგერმა გურამ შეროზიამ ხაშურლებს, რომლებიც მას გუშინ დაწერილი პოსტის გამო გაუნაწყენდნენ.

,,ახალი ჰობი მაქვს, რუსულ ტელეგრამჯგუფებში ვარ და უხვად გავცემ რჩევებს:

– სად არის ყველაზე კარგი უბანი საცხოვრებლად? – ლილოს დასახლება.

– რომელ ქალაქს მირჩევთ საცხოვრებლად? – ხაშურიი.

– სად ვჭამო გემრიელად? – ვარკეთილში ხინკლის სახლიი.

– სად სჯობს ცურვა? – მტკვარში.

– ტაქსებზე რა ვქნათ? – ხელი აუქნიეთ ქუჩაში, აპები არ ვარგა.

– ტელეფონის ნომერიი? – ბილაინი.

– საცურაო აუზი: ლაგუნა ვერე, ღამით ჩახტით, თავით.

– ღამის გართობაა? – შარდენი.

– რომელ არხს ვუყუროთ? ლიდერტივი

– რომელ სამოდელო სააგენტოს მივებაროთ? – გ. მასხულიას

– რომელი გაზეთი წავიკითხო? – ასავალ-დასავალი

– აცრებთან დაკავშირებით ვის მივმართო კონსულტაციაზე? – ხატია სიჭინავას”, – დაწერა გურამ შეროზიამ.