“ძალიან დიდი ბოდიში მინდა ვთქვა საჯაროდ… ოჯახის დანგრევა შინაგანადაც განგრევს”
მუსიკოს გია ბაღაშვილის ყოფილმა მეუღლემ, მოცეკვავე თაკო ტაბატაძემ ოჯახის დანგრევის შესახებ გადაცემაში „დღის პოსტში“ ისაუბრა და აღნიშნა, რომ ძალიან ძნელი და მძიმე იყო მისთვის.
„პირველი არის, რომ ოჯახის დანგრევა შინაგანადაც განგრევს – არავინ გეგმავს, რომ ურთიერთობა, რომელიც სიყვარულით იქმნება, რაღაც დროს დასრულდება. თავიდან ძალიან რთულია, ამიტომაც არ მინდოდა ამ თემაზე საუბარი და არც ვსაუბრობდი. ძალიან ძნელი იყო და ახლაც ძნელია. ყოველი ასეთი წინააღმდეგობა, საბოლოოდ, აძლიერებს ადამიანს. გამოცდილებაა ურთიერთობებისა და ცხოვრების მიმართულებით. ახლა დიდი პასუხისმგებლობა მაქვს საკუთარ თავზე აღებული.
ჩვენი შვილები უკვე იმ ასაკში არიან, აქვთ წვდომა ინტერნეტზე, გამიხარდა, რომ იუმორით შეხვდნენ, რადგან ათასი სისულელე დაიწერა, კონტექსტიდან ამოგლეჯილი. ხომ უნდა გქონდეს გარჩევის უნარი, როცა გადადიხარ საიტზე და უხამსი ვიდეოებით არის გაჯერებული, გასაგებია, რომ ის ავრცელებს ყალბ ინფორმაციას…
სიმართლე გითხრათ, ჩემი ოჯახისთვის უფრო რთული იყო, რადგან ძალიან ტრადიციული ოჯახიდან ვარ. ძალიან დიდი ბოდიში მინდა ვთქვა საჯაროდ, რომ ამხელა სტრესის წინაშე აღმოჩნდნენ.
ჩემთვის თვითონ ფაქტი იყო რთული, რომ ეს მოხდა სამი წლის წინ და ოჯახი დაინგრა. ამ გამოხმაურებამ, რომ გითხრათ, რომ რაიმე გავლენა მოახდინა ან კარიერაზე, ან საქმიანობაზე, ამ მეგობრებთან ურთიერთობაზე, ამას ნამდვილად ვერ ვიტყვი. გამიკვირდა, რომ ადამიანები ასე ცუდად გრძნობენ თავს, რომ სხვა ადამიანების გამეტება შეუძლიათ. ძალიან ვწუხვარ მათ გამო. ფიქრების პროექციას ახდენენ ადამიანზე, რომელსაც საერთოდ არ იცნობენ…