“რამდენი გაჩერებული გულის ამუშავება შეძელით და თქვენი გულის ამუშავება კი ვერავინ შეძლო”

რამდენი გაჩერებული გულის ამუშავება შეძელით და თქვენი გულის ამუშავება კი ვერავინ შეძლო, – ასე ემშვიდობებიან მეგობრები და კოლეგები სამედიცინო ცენტრ „საროველის“ კლინიკურ დირექტორ, რეანიმატოლოგ ალექსანდრე კვაჩიძეს, რომელიც 35 წლის ასაკში მოულოდნელად გარდაიცვალა.

„სიტყვები არ მყოფნის, არ ვიცი, ეს როგორ ვთქვა, დიდებული ადამიანი დააკლდა ჩვენს დიდ ოჯახს, ჩვენ ღრმა მწუხარებას გამოთქვამს რეანიმატოლოგ, ალექსანდრე კვაჩიძის გარდაცვალების გამო.

ვუსამძიმრებთ ოჯახის წევრებს, კოლეგებსა და სრულიად სამედიცინო საზოგადოებას.

ალეკო ექიმი იყო ჩემთვის, როგორც ახალგაზრდა მედიკოსისთვის სამაგალითო ადამიანი და მისაბაძი პიროვენბა თავის პროფესიოალიზმითა და ადამიანობით.

35 წლის ასაკამდე, რამდენი გაჩერებული გულის ამუშავება შეძელით და თქვენი გულის ამუშავება კი ვერავინ შეძლო“, – წერს გვერდი „ყველაფერი მედიცინაზე“.

არსებული ინფორმაციით, დღეს დილით, კგულმკერდის არეში ძლიერი ტკივილებით შეიყვანეს ქუთაისის დიაგნოსტიკურ ცენტრში. ალექსანდრე კვაჩიძე ოპერაციის დროს გარდაიცვალა.