„პირდაპირ ასე დამისვა საკითხი: ქმარი დატოვე და დღესვე წაგიყვან ცოლად შენი შვილიანადო…“

„ბოშა ქალოს“ შემსრულებელი, მზია გეწაძე იხსენებს, თუ როგორ დატოვა ქმარმა ერთი წლით და სამუშაოდ საზღვარგარეთ წავიდა, ამ დროს კი მას მეზობელი, მასზე უმცროსი მამაკაცი გაეპრანჭა და შვილიანად მის ცოლად მოყვანას გეგმავდა:

„პირდაპირ ასე დამისვა საკითხი; ქმარი დატოვე და დღესვე წაგიყვან ცოლად შენი შვილიანადო. ამაზე საშინელი რეაქცია მქონდა. ვუთხარი, რომ ქმარს არასდროს დავტოვებდი და მისი არ გავხდებოდი. ერთხელ გავთხოვდი, ჯვარი მაქვს დაწერილი და თავს არავის დავაცინინებ-მეთქი. კატეგორიული უარი მიიღო ჩემგან და ამის მერე გაგიჟდა… მეც მქონია ანალოგიური სიტუაცია, შემყვარებია ვიღაც, მაგრამ სხვისი ოჯახი არ დამინგრევია. კისერზე არავის ჩამოვკიდებივარ. როგორ ვიკადრებდი, კაცისთვის მეთქვა, ცოლს გაშორდი და მე წამიყვანე-მეთქი. არც კაცი უნდა მოიქცე ასე. ქალს არ უნდა აკადრო, ქმარი დატოვე და წამომყევიო…“