“ამ ამბავმა ისეთი სტრესი დამიტოვა, ახლოს აღარავის ვუშვებდი”

თამუნა ამონაშვილი გადაცემის ,,ნიკოლოზის კითხვები” სტუმარია.

მომღერალმა თავისი მოტაცების ისტორია გაიხსენა და აღნიშნა, რომ მომხდარმა დიდი სტრესი დაუტოვა.

„მე არც ვიცნობდი იმ ადამიანს ნორმალურად. ვენდე და ეს ბოროტად გამოიყენა. პატარა ვიყავი, გამოუცდელი, მაგრამ ჩემმა ოჯახმა არ დაუშვა ის, რომ იქ დავეტოვებინე. გადამარჩინეს იმით, რომ წამომიყვანეს. მაგრამ ჩვეულებრივი ცხოვრება დაიწყო 2-3 წლის შემდეგ. ვერიდებოდი სიყვარულს, მოწონებას. ამ ამბავმა ისეთი სტრესი დამიტოვა, სხვა ადამიანებს აღარ ვუშვებდი“, – იხსენებს თამუნა ამონაშვილი.