“ჩემი კლასელი ეს კომშის ხე იყო, მასთან ერთად გავიზარდე“ – ბოლო ზარი მხოლოდ ორი და ერთი მოსწავლისთვის

„რუსთავი 2“-ზე ზაკ მირიანაშვილის რუბრიკა „მოკლე ინტერვიუ პირად საკითხებზე” იმერეთის სოფლებიდან საინტერესო რეპორტაჟს გვთავაზობს და გვიყვება, როგორ დაირეკა ბოლო ზარი მხოლოდ ორი მოსწავლისთვის. ისინი აღნიშნავენ, რომ ეროვნული გამოცდებისთვის სკოლის მასწავლებლები ამზადებენ და რეპეტიტორები არ სჭირდებათ.

„რუსთავი 2“-ის ჟურნალისტი ჩავიდა კიდევ ერთ სკოლაში, სადაც ბოლო ზარი მხოლოდ ერთი მოსწავლისთვის დაირეკა.

კიდევ ერთი სკოლის მოსწავლე, რომელსაც კლასელი არ ჰყოლია, სიუჟეტში ჰყვება, რომ არსად გადასვლა არ უცდია – „კლასელი არასდროს მყოლია. მარტო მოვდივარ პირველი კლასიდან. სურვილი მქონდა, კლასელი მყოლოდა. ერთი პერიოდი ვიფიქრე, სხვაგან გადავალ-მეთქი, მაგრამ სადაც დავიწყე სწავლა, იქ დავამთავრე…“