მაია ასათიანი ბავშვობის მტკივნეულ მოგონებებს ვერ ივიწყებს
ცნობილმა ჟურნალისტმა 9 წლის ასაკში გადაღებული ფოტო სოციალურ ქსელში გამოაქვეყნა. როგორ გამოიყურებოდა ბავშვობაში და რის გამო სტკივა გული ტელეწამყვანს?
მაია ასათიანი გადაღებების შემდეგ სახლში მარტო რჩება და ნოსტალგიურ განწყობას „ფოლოვერებსაც“ უზიარებს. ამჯერად „მისი კამერის ობიექტივში“ 1986 წელს გადაღებული შავ-თეთრი ფოტო მოხვდა. მაია ასათიანი აღნიშნულ ფოტოზე ფილარმონიის დიდი საკონცერტო დარბაზის სცენაზე საზეიმოდ გამოწყობილი დგას. აქ მომავალი ჟურნალისტი 9 წლის არის.
მისი სოციალური ქსელის ფოტო-ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებს. მაიამ სიმშვიდე საკუთარ თავთან განმარტოებაში იპოვნა, თუმცა ოჯახის წევრებს უფრო და უფრო დაუახლოვდა. რამდენიმე თვის წინ გადაცემაში დედაც ჰყავდა მიწვეული, რომელმაც ჟურნალისტის ცხოვრების ბევრი ფაქტი გაიხსენა. მაიამ კი, თავის მხრივ, დედას ყველაფრისთვის მადლობა გადაუხადა. საქართველოში კარანტინის შემსუბუქების შემდეგ გადაცემების დაგეგმვა დაიწყო.
