“უცხოეთში შვილებთან ერთად ვცხოვრობ“

მესამე მეუღლესთან დაშორებისა და სკანდალური განქორწინების შემდეგ, სალომე გოგიაშვილმა საქართველოდან წასვლა და ცხოვრებაში სიახლეების შეტანა გადაწყვიტა. ამის შესახებ ის ჟურნალ “თბილისელებთან” საუბრობს:

“ახალ წელს ახალი იმედებით ვხვდები… ვცდილობ, ჩემს შვილებს სიტუაცია „გავულაითო“ და ისე გავაგებინო, რომ ჩვენ კი დავშორდით, მაგრამ კარგი მეგობრები ვიქნებით და ბავშვები ურთიერთობაზე ვერ ამჩნევენ, რომ ჩვენ ასე სკანდალურად დავიშალეთ. ახლა რაზეც ვმუშაობ და ვფიქრობ, არის ბავშვების ფსიქოლოგიური მდგომარეობა. ძალიან ცუდად იმოქმედა მათზე ამ ამბებმა. მათ რომ ვუყურებდი, შოკირებული ვიყავი და რადგან ეს გადავლახეთ და სიმშვიდისკენ მივდივართ, აღარაფერს დავეძებ, ოღონდ ესენი იყვნენ კარგად.

გადავწყვიტე, ცოტა ხანს დავისვენო. დავისახე გეგმები, რომლებსაც ვახორციელებ და ახლა გავიცანი საკუთარი თავი. აქამდე ყოველთვის, მთელი ჩემი ცხოვრება, სულ სხვებისთვის ვცხოვრობდი და მინდა, ახლა ჩემი თავისთვისაც მოვიცალო. არასდროს მქონდა დრო, დავმჯდარიყავი და მეფიქრა: მე რა მინდა, რა მესიამოვნება, რა მაყენებს დისკომფორტში… ვზივარ, ვმუშაობ ახალ გეგმებსა და საკუთარი ოცნებების განხორციელებაზე. უცხოეთში შვილებთან ერთად ვცხოვრობ ახლა და თუ ვინმეს აინტერესებს, რომელ ქვეყანაში ვარ, შეუძლია, ჩემი სოციალური ქსელები იხილოს და ადვილად მიხვდება.

ძალიან მაგარია, რომ ოთხი შვილი გავაჩინე და ჩემს თავს მათი სიყვარული ვაჩუქე. სამი დანგრეული ოჯახი, ოთხი შვილის დედობად ღირდა და საერთოდ არ არის საჭირო ქმარი, რომ ქალი იყოს გახარებული და ბედნიერი…”