“რამდენიმე დღის წინ ბერად აკურთხეს ილია, ილია მეორის ძმის შვილიშვილი, ასე დაიწყო უწმინდესმაც თავისი გზა“

სოციალური ქსელის მომხმარებელი მარიეტა საყვარელიძე „ფეისბუკზე“ წერს, რომ რამდენიმე დღის წინ ბათუმისა და ლაზეთის ეპარქიის ბერად აკურთხეს ბერი ილია, ილია მეორის ძმის შვილიშვილი. ფოტოებში, ახალგაზრდა ბერის გვერდით, ჩანს თავად ილია მეორის ძმისშვილი, მეუფე დემეტრე:

„რამდენიმე დღის წინ ბათუმისა და ლაზეთის ეპარქიის ბერად აკურთხეს სრულიად ახალგაზრდა ბერი ილია, ილია მეორის ძმის შვილიშვილი!!! ასე დაიწყო უწმინდესმაც თავისი გზა, თანაც ამასაც ილია ჰქვია… გვერდით უდგას მეუფე დიმიტრი (პატრიარქის ძმისშვილი)“, – წერს მარიეტა საყვარელიძე.

ცნობისთვის, საქართველოს კათოლიკოს-პატრიარქი ილია მეორე 2026 წლის 17 მარტს, 93 წლის ასაკში გარდაიცვალა. საქართველოს კათოლიკოს-პატრიარქს ილია მეორეს სიონის ტაძარში 22 მარტს დაკრძალავენ.