ქართველი ბლოგერი პლუს ზომის მოდელად ფოტოსესიაზე მიიწვიეს (ფოტოები)

ქართველი ბლოგერი, სოფია კვინიკაძე სამხრეთ კორეაში ცხოვრობს. მისი პირადი გვერდი (“დეპრესიული ქართველი კორეაში”) ინტერნეტ-სივრცეში პოპულარობით სარგებლობს.

ცოტა ხნის წინ სოფია პლუს ზომის მოდელად მიიწვიეს. მან სოციალურ ქსელში საკმაოდ თამამი ფოტოები გამოაქვეყნა, რასაც მისი გულშემატკივრების დადებითი შეფასება მოყვა.

ორი თვის წინ კი მიმიწვიეს პლუს ზომის (პუტკუნა ადამიანების) მოდელად და მეც დავთანხმდი !! ფოტოსესია არ იყო სექსუალური, ვულგარული ან ა.შ. შინაარსის, უბრალოდ, მიზნად ისახავდა პუტკუნა ფორმების, მაგალითად, ოდნავ მოშვებული მუცლის, ესთეტიკურ ფარგლებში ხაზგასმას 

ამ ფოტოსესიით, პირველ ყოვლისა, საკუთარი თავისთვის მინდოდა მეტი თავდაჯერებულობის შემატება, რომ, აი, მომატებული ხარ, მაგრამ მაინც ლამაზი! მერე ასობით თანატოლი გოგონასთვის, რომელიც მიყურებს და ჩემსავით იმალება და თავი მახინჯი ჰგონია !!

გადაღებების შემდეგ კი შევუდექი სწორ კვებას და უკვე ოთხი კილოც დავიკელი, მაგრამ არ ვშიმშილობ, ვიკვებები ჯანსაღად პროფესიონალის დახმარებით “, – წერს  სოფია სოციალურ ქსელში.