“ექიმები გყავს იმისთანა, რომ ვაქცინის გაკეთების ინსტრუქცია ვერ წაუკითხავთ და გაურკვევიათ და დაკოვიდებას ამჯობინებენ დავაქცინებას”
ჟურნალისტი ლელა კურდღელაშვილი სოციალურ ქსელში პოსტს აქვეყნებს, რომელსაც უცვლელად გთავაზობთ.
“ებრაელ ხალხს რომ ჭკუა არ უჭირთ და შორსმხედველებიც არიან, ეგ ვიცით ყველამ. ყველაზე მეტი ნობელიანტები ჰყავთ, უდაბნოში, მტრულ გარემოში რაღაც 50 წელში უმაგრესი, კულტურულ-ეკონომიკურად და სამხედრო თვალსაზრისით მოწინავე სახელმწიფო შექმნეს, მთელი პლანეტის ყველაზე გავლენიან სფეროებს აკონტროლებენ წარმომავლობით ებრაელები და არც რელიგიურობის განცდა აქვთ ვინმეზე ნაკლები, მეტი თუ არა.
ჰოდა, ეს ძალიან ტრადიციული და უჭკვიანესი ხალხი რომ ლიწინ-ლიწინით იკეთებს ვაქცინას, თავი რომ მოიკლა ისრაელის პრემიერმა და ლამის საცდელ პროგრამებზე მოაწერა ხელი და იხადა უამრავი თანხა ვაქცინის დროზე მისაღებად, ხომ კარგად მეტყველებს ვაქცინირების საჭიროებაზე და ხეირზეც.
ჰოდა, როცა არც ერთი ნობელიანტი არ გყავს, სამოთხესავით ქვეყნიდან ვერაფრის შექმნა მოგიხერხებია და ექიმები გყავს იმისთანა, რომ ვაქცინის გაკეთების ინსტრუქცია ვერ წაუკითხავთ და გაურკვევიათ და დაკოვიდებას ამჯობინებენ დავაქცინებას, რატომ გაქვს პრეტენზია, რომ იმავე სიკეთეებით უნდა ისარგებლო, რა სიკეთეებითაც მოწინავე ქვეყნები სარგებლობენ?
რასაც ვიმსახურებთ, ზუსტად ის ყოფა გვაქვს. ეგაა სულ.”