რამდენიმე წლის წინ, შერონ სტოუნმა საზოგადოებას 2001 წელს გადატანილი ინსულტის შესახებ უამბო. ახლა კი, ერთ-ერთ დილის გადაცემაში ეს მომენტი კიდევ ერთხელ გაიხსენა. “მე კლინიკური სიკვდილი განვიცადე, ზოგი ამას სულიერ, დანარჩენი კი, ფიზიკურ გარდაცვალებად თვლიან.
მე ვფიქრობ, ორივე გავიარე. როცა ეს დამემართა, ფაქტობრივად ყველაფერი გამოვცადე, რასაც ადამიანები სიკვდილზე ამბობენ, მაგალითად, გვირაბის ბოლოს შუქი და შეგრძნება, თითქოს გარდაცვლილებს ესაუბრები. თითქოს ჩემამდე წასულებს ველაპარაკებოდი, ოღონდ ეს უფრო მეტად ეფემერული შეგრძნება იყო და არა რეალური დიალოგები,”-აღნიშნა მან.