პროდიუსერი ნატო დუმბაძე ზურა ჯაფარიძის მიერ „ნამახვანჰესის” საწინააღმდეგო აქციის მონაწილეებისთვის „სხვადასხვა ფერის ფაშისტებისა და წითელ-მწვანე კომუნისტების” წოდებას სოციალურ ქსელში ეხმაურება და მწვავედ აკრიტიკებს.
ნატო დუმბაძის თქმით, სამშობლოს დაცვა რომ დასჭირდეს, „გირჩის” წევრები პირველი დაიმალებიან.
“ზურაბ ჯაფარიძე „ნამახვანჰესის“ მოწინააღმდეგეთა აქციაზე – სხვადასხვა ფერის ფაშისტები და წითელ-მწვანე კომუნისტები გაერთიანდნენ.
ნუ თქვენ ხომ მარტო ჩახდილებს აღიარებთ ზურა ბატონო და ბოდიში!
ასე ღრმად არ ვარ ჩახედული “ნამახვანის” ამბებში, თუმცა ესენი რომ ვინმეს ფაშისტებს დაუძახებენ, სულ მცირე გადახედონ რომელ წლებში აქვთ “ნამოღვაწარი” თვითონ!
ხო კიდევ “მამაოებად”კურთხევა არ დაავიწყდეთ და კურთხეულებს უქადაგონ!
სამშობლოს დაცვა რომ დაჭირდეს პირველი თქვენ დაიმალებით თქვენს “მრევლთან” ერთად!
შეიძლება მეც დავინახე და გამიკვირდა კიდევაც ვიღაცეების იქ ყოფნა, მაგრამ თქვენნაირებს იქ მდგომი “ფაშისტები” მირჩევნია!”, – წერს დუმბაძე ფეისბუქზე.