საქართველოში ამერიკის შეერთებული შტატების ელჩმა, კელი დეგნანმა თელავში ერეკლე მეორის ისტორიული სასახლე და ალექსანდრე ჭავჭავაძის მუზეუმში დაცული უნიკალური კულტურული საგანძურები დაათვალიერა.
საქართველოში აშშ-ის საელჩოს ინფორმაციით, ელჩი შეხვდა ქალაქის მერს, შოთა ნარეკლიშვილსა და გუბერნატორ ირაკლი ქადაგიშვილს. მათ ტურიზმის განვითარებაზე, COVID-19-ის პანდემიის შემდგომ ეკონომიკის აღდგენასა და მოახლოებულ არჩევნებზე ისაუბრეს.