ქართველი სიძისა და კამბოჯელი ლამაზმანის ქორწილის კადრებმა ორი დღეა, რაც ქართული სოციალური ქსელი დაიპყრო. ორი ზღაპრული ქორწილიდან ერთი პატარძლის სამშობლოში, ზაფხულში, ხოლო მეორე შემოდგომაზე, გერმანიაში გაიმართა.
გოგონა ფიჩი ბაი, ცნობილი ინფლუენსერია, მას ტიკ-ტოკზე 1.4 მილიონი გამომწერი ჰყავს. სიძე კი – გიორგი ქაშიბაძეა. “peachybay” სოციალური მედიის ინფლუენსერია, რომელიც ძირითადად აქტიურია TikTok-ზე.
გოგონა ცნობილია მრავალფეროვანი კონტენტის შექმნით, მათ შორის კომედიური სკეტჩებითა და კონტენტით, რომელიც მის მომავალ დედობას ეხება. ასევე ვიდეოებში ხშირად ჩანს მისი უმცროსი ძმა. წყვილი უკვე ვაჟს ელოდება.
ზოგიერთ ვიდეოში თავის კამბოჯურ წარმოშობასაც უსვამს ხაზს. თუმცა არ ავიწყდება მეუღლის სამშობლო. ის ხან ხინკალს მიირთმევს, ხანაც საქართველოს ნაკრებს გულშემატკივრობს. სოციალურ ქსელში ქართველ პატარძალს უამრავ საქებარ კომენტარებს უწერენ.
ფიჩის ინსტაგრამზე ქორწილის უამრავი ფოტო აქვს გამოქვეყნებული. გამომწერებს საკუთარი სიყვარულის ისტორიასაც უზიარებს.
“ფასდაუდებელი მომენტები. თავიდანვე ცხადი იყო, რომ ერთად დაბერება გვინდოდა. 2 კვირის შემდეგ შევხვდით, 2 თვის შემდეგ ერთად გადავედით საცხოვრებლად და 2 წლის შემდეგ დავქორწინდით. ძალიან მადლობლები ვართ დაუვიწყარი მომენტებისთვის. ბევრმა ცრემლები ვერ შეიკავა, ჩვენც სიხარულისგან ვტიროდით.“ – წერს საქორწინო ფოტოებზე.
ვეცადეთ, ჩვენი მკითხველების ინტერესი ბოლომდე დაგვეკმაყოფილებინა და ქართველ სიძეზე უფრო მეტი გაგვეგო. მას შემდეგ, რაც შევიტყვეთ, რომ გიორგი ქაშიბაძე, ცნობილი ექიმი, დამწვრობის ცენტრის ხელმძღვანელი გუგა ქაშიბაძის ძმის შვილია. როგორც ჩვენთან საუბარში აღნიშნა, მეორე ქორწილს, გერმანიაში პირადად დაესწრო. რძალი კი ძალიან მოსწონს