როგორ დაიკლო ნუცა ბუზალაძემ 14 კილოგრამი – მომღერლის რაციონი და ცხოვრების სტილი
წარმატებული ქართველი მომღერალი ნუცა ბუზალაძე სოციალურ ქსელში განსაკუთრებული პოპულარობით სარგებლობს. მას „ინსტაგრამზე“ 260 ათასზე მეტი გამომწერი ჰყავს, რომელთაც საკუთარ ყოველდღიურობასა და კარიერულ სიახლეებს მუდმივად უზიარებს.
ამჯერად ნუცა ბუზალაძე საკუთარი დღის რეჟიმის შესახებ საუბრობს: „ჩემი დილა იწყება წყლით და შემდეგ ყავით, რადგან ყავა ძალიან მიყვარს. თუ რამე სასწრაფო საქმე არ მაქვს, ვცდილობ, წავიდე და ვივარჯიშო. დილით საუზმეს მივირთმევ, მიყვარს იოგურტი, გრანოლა, შავი შოკოლადი, თხილი ნუში…“ – ამბობს მომღერალი. ნუცამ საყვარელი საუზმის რეცეპტიც გაამხილა, რომელსაც მაწვნით, თაფლით, ხაჭოთი, გრანოლათი და სხვადასხვა თხილეულით ამზადებს.