“მითხრა, რომ იქნებ მეც ავლაპარაკდე შალვა რამიშვილზე, რადგან დიდი “მაყუთები” ტყდება ამ საქმეში”

ნინო ადამაშვილი სოციალურ ქსელში პოსტს აქვეყნებს.

“დიდი ხანია თვალს ვადევნებ შალვა რამიშვილის ირგვლივ განვითარებულ მოვლენებს და ვფიქრობ რომ ახლა გაჩუმება დანაშაულის ტოლფასია.. განსაკუთრებით ბოლო დღეებში უკვე ძალიან ზედმეტი მოუვიდათ ზოგიერთებს პირადად ჩემი მიმართულებით რომ მნიშნავთ, სად მნიშნავთ?!

რომ მიხსენიებთ, სად და რატომ მიხსენიებთ?! მეც ოჯახი მყავს, რომელიც ჩემთვის ძალიან ძვირფასია და იქ კიდევ მუშაობენ ჩემი მეგობრები, რომელთაც შვილები და ზოგს შვილიშვილებიც კი ჰყავთ!

განსაკუთრებით გამაღიზიანებელი გახდა ის ფაქტი, რომ დამიკავშირდა ერთი ჩემი მეგობარი მათი “ბაბლიდან” ( ე.წ.შუამავალი) და მითხრა, რომ იქნებ მეც ავლაპარაკდე, რადგან დიდი “მაყუთები” ტყდება ამ საქმეში! (თან ჩემი მოდელებიც ავიყოლიო (ვინც არ იცით, მე იქ გარდა წამყვანისა, ქასთინგ მენეჯერიც ვიყავი და ათეულობით ადამიანი მოსულა ჩემ მიერ ჩანიშნულ ქასთინგზე) ბიძია, თქვენ მე ვინმეში ხომარ გეშლებით?! რაზე უნდა ავლაპარაკდე, იმაზე რაც არასდროს ყოფილა?!

სამსახურიდან ჩემი წამოსვლის მიზეზი იყო ერთადერთი, შელაპარაკება მოხდა ჩემსა და იუმორისტ-პროდიუსერ ზვიო ბლიაძეს შორის, რაც უკავშირდებოდა ჩემთვის ახალი გადაცემის გაკეთებას,(რადგან ძველმა გადაცემამ ამოწურა თავისი თავი) ვაკეთებდი ახალს, რაზეც არაერთი დაპირების მიუხედავად ბოლოს უარი მივიღე.

ხოლო როდესაც შალვასთან გასაუბრება მოვინდომე, მან ჩემთან სასაუბროდ დრო ვერ გამონახა, რადგან ვერ მოიცალა და პარტიული საქმეები ჰქონდა..

ჰოდა, მეც მეწყინა.. ავდექი და წამოვედი. რეალური მიზეზი აი ეს იყო და არა ის, რასაც თქვენ ხლართავთ!

შალვა რამიშვილთან მე მაკავშირებს 20 წლიანი თანამშრომლობა და მეგობრობა, 20 წელი არც 20 დღეა და არც 20 თვე. ამ 20 წლის განმავლობაში ის არასოდეს ყოფილა არც მოძალადე და არც შემავიწროვებელი! მასთან ვმუშაობდი ტელეკომპანია 202-ზე, სტუდიო პლანეტა ლაზიკა, ტელეკომპანია იმედი, რადიო თანამგზავრი, ტელეკომპანია პოსტივი.

მას ჩემზე უკეთ არავინ იცნობს! დღემდე არ მითქვამს და ახლა ვიტყვი, რომ მე ვიყავი ის ერთადერთი ადამიანი, (მისი მეუღლის გარდა) ვინც 4 წელი მიდიოდა მასთან რუსთავში, ციხეში და ამანათები მიჰქონდა. ასევე მის ცოლ-შვილთან მიდიოდა და მის ოჯახს ყველანაირად მხარში ედგა,ყოველთვის, ჭირში და ლხინში გვერდით ვედექი. ასევე, ხშირად მინახავს მის კაბინეტში ე.წ. სელებრითების მანჭვა გრეხვა..

P.S. – კაცს კარიერის სანაცვლოდ კალთაში რომ ჩაუჯდები და სატაცურივით ყელზე შემოეხლართები ეს უკვე შევიწროება აღარ არის ჩემო კარგებო!

განსაკუთრებით გამაღიზიანებელი გახდა ჰეშთეგ კამპანია ” შალვა რამიშვილი მოკვდეს” სადაც ადამიანები ერთმანეთს ნიშნავენ და იმუქრებიან შალვას მისამართით!( სრული პასუხისმგებლობით ვამბობ, რომ დღეს მისი სიცოცხლე საფრთხეშია)

პირდაპირ გეტყვით, რომ თქვენ ხართ სვავები! ლეშისმჭამელები!
დიახ, მე ქალი ვარ და ცხადია ვემიჯნები ქალზე ძალადობას (თუ არსებობს ასეთი რამ ამ შემთხვევაში) მაგრამ თქვენ ვინ ხართ?!

სიცოცხლე არის ყველა ადამიანის ფუნდამენტური უფლება და თქვენ ვინ მოგცათ იმის უფლება, რომ ვინმეს ეს ფუნდამენტური უფლება წაართვათ?!
კარმა უბედური რამეა ” მწიფეს ესროდნენ , მკვახე ცვიოდაო ” 

მე ერთი წელია არ მინახავს შალვა და მასთან ამ ეტაპზე არაფერი მაკავშირებს,მაგრამ  ადამიანს ასე გადაუარო და სხვებსაც ტვინი გაუქლიბო, რომ აგყვეს ავტომატურად, ეს არის ჩემთვის სრულიად მიუღებელი..

მე ადამიანი ვარ და არაფერი ადამიანური ჩემთვის უცხო არ არის..
ახლა აქ არავინ შემომივარდეს, თორემ არაფერს მოვერიდები და ვათრევ ნახმარი პლაშივით!.. ენები მოკლედ გეჭიროთ, გირჩევთ მე თქვენ”– წერს ნინო ადამაშვილი.