“კარში მამრმა რომ ქალი უნდა გაატაროს, ეგ აღარ გვაქვს? თუ ესეც გენდერული თანასწორობის ნაწილია“
მომღერალი ქრისტინე იმედაძე „ინსტაგრამის” გამომწერებს ყოველდღიურად ესაუბრება და უზიარებს სხვადასხვა ცხოვრებისეულ კადრს.
მან ვიდეო გამოაქვეყნა, სადაც გამომწერებს საკუთარ ისტორია მოუყვა და კითხვით მიმართა.
„ახლა გამოვდიოდი მაღაზიიდან და კარი რომ გამოვაღე, შემომიხტა ბიჭი ანუ კარი დამაჭერინა, რომ თვითონ გაეარა. მე გაოცებული დავრჩი. მადლობა კი მითხრა, მაგრამ ბოლო დროს ასე ხშირად მემართება და ასე უნდა? გოგო რომ კარებშია, შენ უნდა შეხვიდე და მან კარი უნდა დაგიჭიროს? რაღაც არ მომწონს ეს ამბავი. გენდერობის თანასწორობის ნაწილია?,“ – აღნიშნავს ქრისტინე.