„ბედნიერება სამშობლოს გარეშე იგივეა, რაც ფანჯრიდან დანახული გაზაფხული“
ცუცა კაპანაძე, რომელიც აშშ-ში ემიგრაციაში წლებია ცხოვრობს, ჟურნალ „გზას“ ესაუბრება:
„ერთ-ერთ მუსიკალურ სპექტაკლში 60 წლის ემიგრანტ ქალბატონს განვასახიერებ, რომელიც საკუთარ თავს პირობას აძლევს, რომ აუცილებლად დაბრუნდება საქართველოში, მაგრამ ამას ვერ ახერხებს. ბოლოს ასეთ რამეს ამბობს – ბედნიერება, სამშობლოს გარეშე იგივეა, რაც ფანჯრიდან დანახული გაზაფხულიო. არა, მე ჩემი გმირისგან განსხვავებით, მართლა დავბრუნდები ჩემს სახლში!
სოლოლაკში ვიცხოვრებ, ჩემს ერთოთახიან ბინაში, მეტი არც მჭირდება. ხშირად ვივლი ჩემს საყვარელ ზემო იმერეთში, საჩხერეში – იქ, სადაც ჩემი დიდი ოჯახია და სადაც სიყვარულით მელოდებიან!..“