“ყოფილა უამრავი ჭორისა და დეზინფორმაციის გავრცელება, მაგრამ ამით ვერაფერს მაკლებენ..“

„ღამის შოუს ბენდის“ წევრი, თათა გიორგობიანი ამბობს, რომ ჭორებთან გამკლავება უკვე ისწავლა.

ის ჟურნალ „სარკესთან“ აღნიშნავს, რომ პოპულარობასთან ერთად, კრიტიკაც იმატებს:

„როდესაც პოპულარული ხარ, ხალხის მხრიდან დიდ სიყვარულთან ერთად ზოგჯერ კრიტიკა მოდის, ზოგჯერ კი ბულინგის მსგავსი დამოკიდებულება. ჩემს გარეგნობასთან დაკავშირებით უხამსი კომენტარები ან თუნდაც მენტალური და ინტელექტუალური მიმართულებით. ყოფილა სახლთან მოსვლები, ჩემს ოჯახის წევრებთან საუბრები, უამრავი ჭორისა და დეზინფორმაციის გავრცელება, მაგრამ ამით ვერაფერს მაკლებენ…“