“ჩემი ნამღერი არ მომწონდა, 50 წლის რომ გავხდი, ალბათ მაშინ ვუწოდე თავს მომღერალი“
საქართველოს რკინიგზა, პროექტ „შენი გზის“ ფარგლებში, ნანი ბრეგვაძის მონაწილეობით ვიდეოს აქვეყნებს.
როგორც ვიდეოში მომღერალი ამბობს, მატარებელი მისთვის ბავშვობასთან ასოცირდება.
„ძალიან მიყვარდა მატარებელი, მე რომ ვიზრდებოდი მაშინ მანქანა არ იყო, მატარებლით ვმოგზაურობდი.
პურმარილი მახსოვს, ზოგი ღვინოს დაასხამდა და ქეიფი იწყებოდა.. არაჩვეულებრივ დროს ვატარებდი..
სულ ვმოგზაურობდი.. მოგზაურობისას ვითარდები – არაჩვეულებრივ და საინტერესო ცხოვრებას უყურებ ხალხისას. მათ გამოცდილებებს იზიარებ და ეცნობი სამყაროს, რომელიც იქამდე არასდროს გინახავს.
დიდი დრო გავიდა იმის მერე, რაც მე ჩემი თავი ვაღიარე მომღერლად.. ვმღეროდი ჩემი სიამოვნებისთვის, არა იმიტომ, რომ პოპულარული გავხმდარიყავი.
50 წლამდე, რაც მე ნამღერი მქონდა და ჩაწერილი, არ მომწონდა.. ვერ ვხვდებოდი რატომ ვერ ვუგდებდი ყურს ჩემ თავს, ყველა კმაყოფილი იყო მე კი არა.. სწორიც ვიყავი, ძალიან ბევრი იყო გამოსასწორებელი ჩემს სიმღერაში..
50 წლის რომ გავხდი, მაშინ მივხვდი, ალბათ ვარ მომღერალი.
არ უნდა კმაყოფილდებოდე შენი მუშაობით, სულ წინ უნდა მიდიოდე,“- ამბობს მომღერალი.