“მომღერლები სცენიდან არ ჩამოსულან, მეორე დღეს ყველა საუბრობდა, რომ ეს არ იყო ქორწილი, ეს იყო კონცერტი“ – როგორ იხსენებენ ანი ღლონტი და თორნიკე მაისურაძე ქორწილის დღეს

ახალგაზრდა მომღერლების წყვილმა, ანი ღლონტმა და თორნიკე მაისურაძემ ოჯახი 8 წლის წინ შექმნეს. როგორ ემზადებოდნენ ქორწილისთვის და რომელი სიურპრიზი დაამახსოვრდათ განსაკუთრებულად ქორწილიდან, წყვილი მათი ცხოვრების ყველაზე მნიშვნელოვან დღეს „შუადღის“ ეთერში იხსენებს:

„ხელი არ მითხოვია.. ერთად გადავწყვიტეთ, რადგან ორივემ ვიცოდით. ზედმეტი მსახიობობა და თეატრალიზებული წარმოდგენა არ გვინდოდა, ძალიან პატარები ვიყავით, ქორწილის საორგანიზაციო საკითხები ოჯახის წევრებს გადავუნაწილეთ.

ძალიან ბევრი სიურპრიზი იყო, ერთ-ერთი ყველაზე ეფექტიანი კი იყო ჩვენი მეგობრების ცეკვა –  ჩემი და თორნიკეს მხრიდან მეგობრები სუხიშვილების მოცეკვავეები არიან, გაერთიანდნენ და საოცარი ცეკვა შეგვისრულეს, რომელიც გამორჩეულად გვახსოვს.

ჩვენ ვიცეკვეთ, მე ძალიან მიყვარს როდესაც ქორწილში ნეფე-პატარძალი ქართულს ცეკვავს, ეს ჩემთვის ძალიან ემოციურია.

სიმღერები, რომლებიც გვქონდა გამზადებული, ვერ ჩავრთეთ, რადგან მომღერლები სცენიდან არ ჩამოსულან, მეორე დღეს ყველა ამაზე საუბრობდა, რომ ეს არ იყო ქორწილი, ეს იყო კონცერტი“, – ამბობს ანი ღლონტი.